Buxorodagi oilaviy poliklinika qurilishining atrof-muhitga ta'siri va ijtimoiy jihatlari o‘rganildi

Buxoro viloyatida “Qishloq joylarni barqaror rivojlantirish” loyihasi doirasida davom etayotgan qurilish obyektlarida ekologik va ijtimoiy yo‘nalishlarda nazoratlar o‘tkazilmoqda.

Iqtisodiyot va moliya vazirligi huzuridagi Birlashtirilgan loyihalarni amalga oshirish guruhining atrof-muhit muhofazasi va ijtimoiy himoya bo‘yicha mutaxassislari tomonidan ana shunday o‘rganishlar Buxoro viloyatining Vobkent tumanidagi “So‘fidehqon” MFYda qurilayotgan oilaviy poliklinikada o‘tkazildi. Obyektda qurilish ishlari “Indigo-baraka servis” MChJ pudratchi tashkiloti tomonidan olib borilmoqda.

Eslatib o‘tamiz, loyiha doirasida Buxoro viloyatining jami 41 ta mahallasida ijtimoiy soha va infratuzilma bo‘yicha subloyihalar amalga oshirilishi belgilangan.