Barqaror loyihalarni amalga oshirish bo‘yicha Vyetnam tajribasi o‘rganilmoqda

“Qishloq joylarni kompleks rivojlantirish” loyihasi doirasida tashkil qilingan o‘quv safari davomida navbatdagi tashrif Vyetnamda bo‘lib o‘tdi. BMT TD, loyiha amalga oshirilishi belgilangan viloyatlar hokimligidan hamda BLAOG xodimidan iborat delegatsiya Vyetnamning Nam Dong provinsiyasi Qishloq taraqqiyoti markazi vakillari bilan uchrashishdi.

Uchrashuvda aholining ijtimoiy himoyaga muhtoj qatlamini qo‘llab-quvvatlashga yo‘naltirilgan pilot loyihalar bilan tanishish, Vyetnamning jamiyatni barqaror rivojlantirishga yo‘naltirilgan loyihalarni amalga oshirish tajribasi bilan o‘rtoqlashish hamda infratuzilmani rivojlantirish loyihalari yuzasidan muhokamalar o‘tkazildi.