Yangiliklar
Iqtisodiyot va moliya vazirligining “Qishloq joylarni barqaror rivojlantirish” loyihasi doirasida hududlarda rekonstruksiya va kapital taʼmirlash ishlari qizgʻin davom etmoqda. Xorazm viloyatining Yangibozor tumanining “Hamid Olimjon” mahalla fuqarolar yigʻini hududi ham loyihaga kiritilgan boʻlib, bugungi kungacha mahallada aholiga maishiy xizmatlar koʻrsatishga moʻljallangan mahalla markazi qurib foydalanishga topshirilgan.
Bugunga kelib esa “Hamid Olimjon” mahallasida 7,5 km ichki yoʻllarni taʼmirlash, 4 km piyodalar yoʻlakchasini qurish ishlari yakunlanish arafasida.
Shuningdek, kelgusida mahallada loyiha doirasida mavjud bolalar bogʻchasini rekonstruksiya qilish, 100 qatnovli oilaviy shifokorlik punktini qaytadan qurish kabi ishlar amalga oshiriladi.