Tender
Iqtisodiyot va moliya vazirligi huzuridagi Birlashtirilgan loyihalarni amaga oshirish guruhi (keyingi o‘rinlarda – BLAOG) Islom taraqqiyot banki (ITB) tomonidan moliyalashtiriladigan “Mahallalar barqarorligini rivojlantirish” loyihasi 3-bosqichi (Community Resilience Development Project) doirasida Milliy loyiha baholash hujjatini (NPAD) tayyorlashga ko‘maklashish uchun milliy individual maslahatchini tanlab olish jarayoni boshlanganini e’lon qiladi.
BLAOG orqali O‘zbekiston Respublikasi Hukumatiga va ITB ishchi guruhiga quyidagilar orqali ko‘maklashadi: (i) qishloq infratuzilmasini rivojlantirishga oid mavjud davlat dasturlari va siyosatini tahlil qilish; (ii) qishloq joylardagi kapital qo‘yilmalar bo‘yicha mavjud investitsiya yondashuvlarini — CRDP-3 doirasida ulardan foydalanish imkoniyatlarini hisobga olgan holda — tahlil qilish; (iii) mahallalar hamda mahallalarni qo‘llab-quvvatlash institutlarining qonundagi va amaliyotdagi vazifalari va mas’uliyatini baholash; hamda (iv) O‘zbekiston sharoitiga mos xalqaro ilg‘or tajribani aniqlash. Maslahatchi tomonidan tayyorlanadigan tahlil CRDP-3 bo‘yicha Milliy baholash hisobotiga asosiy kirish materiallarini taqdim etishga qaratilgan. Milliy maslahatchi sifatida u topshiriq bo‘yicha mamlakat ichidagi ekspertizani ta’minlaydi — jumladan manfaatdor tomonlar bilan o‘zbek va rus tillarida muloqot qilish, davlat hujjatlarini ko‘rib chiqish va dala ishlarini amalga oshirishni o‘z ichiga oladi — hamda BLAOG va ITB ishchi guruhi bilan yaqindan hamkorlik qiladi.
Kutilayotgan xizmatlar quyidagilarni o‘z ichiga oladi:
– Qishloqni rivojlantirish, infratuzilma, mahalliy boshqaruv va iqlimga bardoshlilik bilan bog'liq tegishli milliy strategiyalar, davlat dasturlari, tarmoq siyosati, qonunchilik, me’yoriy hujjatlar, statistik ma’lumotlar va investitsiya rejalarini yig‘ish, ko‘rib chiqish va tahlil qilish, shuningdek zarur ma’lumotlarni olish uchun tegishli vazirliklar, idoralar va hududiy hokimliklar bilan muvofiqlashtirish.
– Asosiy manfaatdor tomonlar bilan uchrashuvlar, maslahatlashuvlar va suhbatlarni tashkil etish va o‘tkazish; suhbat qo‘llanmalari, so‘rovnomalar va maslahatlashuv vositalarini tayyorlash; hamda topilmalar, asosiy masalalar, muammolar va tavsiyalarni hujjatlashtirish.
– Milliy loyiha baholash hujjatini (NPAD) O‘zbekiston Respublikasi Prezidentining 2025-yil 11-fevraldagi PQ-51-son qaroriga va boshqa amaldagi milliy qonunchilikka to‘liq muvofiq holda ishlab chiqish, uni tayyorlash uchun zarur bo‘lgan texnik, moliyaviy, iqtisodiy, institutsional, ekologik, ijtimoiy, xarid, amalga oshirish va xavf-xatar tahlillarini o'tkazish.
– Baholash va tasdiqlash jarayonining barcha bosqichlarida Loyihani amalga oshirish guruhiga (BLAOG) har tomonlama texnik va maslahat ko‘magini ko‘rsatish, jumladan Iqtisodiyot va moliya vazirligi, Investitsiyalar, sanoat va savdo vazirligi hamda boshqa tegishli markaziy va mahalliy davlat organlari bilan muvofiqlashtirish, shuningdek NPAD ma’qullanib tasdiqlangunga qadar baholash jarayonida olingan izohlarni hisobga olish.
– O‘zbekiston Respublikasi Hukumati va ITB bilan uchrashuvlar va muhokamalar uchun zarur bo‘lgan texnik hisobotlar, tahliliy eslatmalar, brifing materiallari va PowerPoint taqdimotlarini tayyorlash, ko'rib chiqish va takomillashtirishga hissa qo‘shish.
– BLAOG, milliy maslahatchilar, tegishli davlat idoralari va ITB ishchi guruhi bilan muntazam muvofiqlashtirishni ta’minlash, shuningdek CRDP-3 loyihasini muvaffaqiyatli tayyorlashni qo‘llab-quvvatlash yuzasidan kelishilgan boshqa tegishli vazifalarni bajarish.
Arizalarni topshirishning oxirgi muddati: 07.09.2026
Tender hujjatlarini olish va arizalarni topshirish uchun bog‘lanish ma’lumotlari:
Manzil: O‘zbekiston Respublikasi, 100017, Toshkent shahri, Niyozbek yo‘li ko‘chasi, 1-uy.
6-qavat, o‘ng blok
Telefon: +998712078407
Elektron pochta: srdp.uz@gmail.com
Texnik topshiriq quyidagi havola orqali mavjud:
https://docs.google.com/document/d/1oJzLQMrSW8yLCy5sFdqtklgH5CRr1ZzE/edit?usp=sharing&ouid=115952572535091213983&rtpof=true&sd=true